مجلة (ممه)مجلة ديكور وافكار للديكور

هذا ديكور لغرفة النوم سهل ومريح وبلاش زحمه كتير فى العفش مش زحمه بره وجوه ههههههههه

هذا مطبخ مريح وعصرى

ليفنج هايل

 لعمل اكثر متعه فى المنزل مكاتب مريحه

 غرف نوم  اطفال بسيطه

تعليقات جميله ومبتكره وتعطى شكل جمالى

عندى فكوره

مصر الجديده
وان وركبه العربيه مع زوجى وتقريبا فى ماسبيرو جتنى فكره

اه قلت احنا ليه منخدش القاهره اخ قصدى اللى ساكنين فى القاهره ونضعهم فى مكان فى الصحراء نكون جهزناه ليصبح قاهره جديده  ونهدم القاهره كلها ما عدا الاثار ونخطط من اول وجديد

ونوسع الشوارع والميادين ونبى كبارى بجد(ملحوظه كبارى غير كباريهات) وحاجات تخلين واحنا مشين فى الشارع نرفع راسنا مش نمشى موطين خايفن ننزلل فى حفره (ربنا يحفظنا ) ولو سايح ابن .... ما يمشيش يصور فى زبالتنا وكأنه اول مره يشوف زباله محتمل اول مره الصراحه زبالتنا لينا احنا وبس حصرى للشعب المصرى ممنوع الاقتراب او التصوير

وقبل ما ننقل الناس نبنى ليهم منطقه كبيره بها بنيه تحتيه جيده وتكون بها وسائل نقل للمحافظات الاخرى وخصوصا طائرات علشان هنكون قفلين القاهره

ونمنع العربيات اللى ريحتها وحشه تمشى فى القاهره الصحرويه  

المياه بقى نعمل ابيار جوفيه لان مش هينفع نعمل نيل تانى وخصوصا بعد سد اثيوبيا

نزرع بطرق توفر المياه وما شاء الله بتوع مركز بحوث الصحراء فى مصر شطرين

نعلم ابنائنا احسن من اليابان نشوفهم بيعلموا ازاى ونحسن من عندنا وما شاء الله احنا عباقره

شوفت فى برنامج مره زبالة اليابان وواقف بجورها المذيع وبيقول ما فيش ريحه اهو انا عايزه اعرف بيعملوا ايه ونتعلم

طب بعد ما المشروع يخلص مين اللى هيسكن فى القاهره اللى اعدنا بنائها الاجيال عيال الجيل اللى راح الى قاهرة الصحراء !!!!!!

نخلى كل عيله امام منزلها جنينه صغيره وتطلب منهم الحكومه زراعتها وخصوصا اكل ينفع يتاكل

نعمل فى الميادين شجر فواكه (الشعب جاله انميه) واهو الواحد لو جاع يحود على اقرب ميدان ياكل بدل الوجبات السريعه اللى تخنتنا وجبتنا ورا صحيا واقتصاديا

ياه دا الشعب خدوده هترجع تحمر من تانى !!!!!!!!!!!!!!!

تجربتى مع ابنى

ازاى تعلمى الطفل القراءه بسهوله  
   1_ علميه الحروف  ونطقها بالحركات الثلاثه اولا الفتحه ثم الضمه ثم الكسره

2_  فى كتاب عندنا فى مصر اسمه معلم القراءه بجنيه وربع هاتيه

3_ اعطى له اولا كلمه كلها بالفتحه مثل أََََكَلَ

4_ انطقى حرف حرف بالتشكيل مثل الف فتحه آ كاف فتحه كا .,لام فتحه لآ وهو يردد وراكى

5_ غطى الحرف الاخير (ل) وخليه ينطق الحرف الاول بالفتحه( آ ) والثانى (كا) وشيلى ايدك بسرعه وخليه ينطق الحرف الاخير (لآ) ويقولها على بعضها (اَكَلَ)

موقع لتعليم الانجليزيه اكثر من رائع

http://www.agendaweb.org/

(العمله المصريه تعلم حساب النقود للاطفال)

كلما اعطيت الطفل معلومه جديده فانك بذلك توسع مداركه وبالتالى يزداد ذكاء

خلى الطفل يحاسب وهو معك عند شراء شىء اواعطيه عمله صغيره واتركه يذهب لوحده ليطلب ما يريد من البائع
تعلم الطفل حساب النقود(العمله المصريه)

نحضر جنيه ورق واثنا ن من الخمسين قرش الورق واثنان من الربع جنيه الورق 

نعرف الولد ان ده جنيه وهو اكبر من العمله ديه كلها وعلشان الخمسين ديه تبقى قده لازم اختها الخمسين قرش تقف معاها  فالجنيه به اثنان خمسين قرش 

ونحضر فى اليوم التالى خمسين قرش ونقول له انها اكبر من الربع جنيه وعلشان الربع يبقى قدها لازم يقف بجواره اخوه الر بع فالخمسين قرش بها اثنان من الربع جنيه 

ونحضر الجنيه ونضع بجواره اثنا من الخمسين قرش وبجورهما (الخمسنتين) اثنان من الربع جنيه  بجوار احدى الخمسنتين  واثنان من الربع جنيه ايضا بجوار الخمسين قرش الاخرى

ونعيد للطفل الجنيه به اثنان من الخمسين قرش والخمسين بها اثنان من الربع جنيه
ولو جمعنا الاربع ارباع تعطينا جنيه 

فى وقت اخر حتى لايشتت ويقدر يستوعب اللى فات عرفيه ان فيه واحد عموا الله يجزيه خيرا خلى العمله فضيه وعرفيه شكلها

الوجبات فى الحضانه ساندوتشات وله حلل ؟؟؟؟؟؟؟؟؟؟؟؟

لما كنت بودى ابنى الحضانه كنت بشدد عليهم ان اهم حاجه عندى ان يخلص ساندوتشاته ..فى بعض الحضانات بترمى اللى تبقى من اكل الطفل علشان الام تفرح ان ابنها كل , او الداده تأكلها ....

كنت بشوف ان فى امهات بترسل مع ابنائها اكل زى شوربة لسان عصفور فى برطمان ’ مكرونه فرن باللحمه المفرومه و كفته وغالبا ما بتكون الام اللى بتدى ابنها الاكل ده موظفه 
تعالوا نشوف الامهات بتعمل ايه وايه اقتراحتهم
1 ــ ممكن  ساعات بيض أومليت اوجبنة ممكن مربى و ممكن لحمة باردة لو عندى ساعات قطعة كيك و لو عندك بسكوت بالعجوة بيكون مغذى و ممكن علبة لبن أفيد من العصير


2ـ انا بنتى بتحب الانشون والهامبرجر والسوسيس برضو الجبن نوووووو مش بتحبها خالص وطبعا الحاجات دى بتبقى مكلفه فبضطر اعملها بسكوت تاخده معاها وتفاح وموز فى اللنش بوكس



4 ـ سندوتشات تونة بس صفيها وحطي شرايح خيار



5 ـ سندوتشات كفته



او برجر بيتي فالكايزر المدور


6 ـ أعملي مينى بيتزا مدوره صغيره كده فطاير بيتي وحطي جبنة موتزاريلا فوقها مع قطع دجاج او لحمه مفرومة او حتي صلصه بالسجق او السوسيس بس حطي جبنة رومي مفروم او موتزاريلا هتسيح و هياكلها مغذية كمان نوتيلا الشوكولاته بتتفرد فالفينو او بين شريحتين توست بتبقي تجديد وطاقه





7 ـ سندوتش مربي بالزبده وسندوتشات الجبنه ممكن تضيفي لها خيار او زيتون او طماطم وممكن تعملي كيك او تديهم برتقال او موز وممكن بطاطس بوريه وبيض





 8ـ انا بقه بعم حاجه حلوه اوى بجيب قطعه صدور فراخ واقطعها شرائح بالطول على قد الصباع الايد وبحط عليها دقيق وبعدين لبن وبيض وبعدين بقسماط مطحون عليه كورن فلكس مطحون برده وحط 1ملعقه زيت فى طاسه و بحمرهم و اطلعهم على ورق مناديل علشان بواقى الزيت اكتشفت ان ابنى بيحبهم اوى كده لانه اخد فايده اللحم الابيض و الكالسيوم فى اللبن و البيض و النشويات فى الدقيق و البقسماط و الكورن فليكس و قليل من الدهون فبكده تكون وجبه متكامله لطفلى ممكن معاها معلقه كا تشاب وكده تمام اوى مع بسكوته بالقمح ايه رايكم



















كنت بعطى ابنى فى الغالب ساندوتشات جبنه ومعها موز او اى فاكهه او خضار

تعلم القراءه الجزء الخامس(اجعلوا التعليم امر ممتع )

اجعلوا التعليم امر ممتع واستخدموا الربط عند التعلم مثال بسيط (شوفت يا يوسف حرف العين (ع) شبه حرف السى(c) وفوقها سى تانى صغيره وهكذا فالربط يجعل التذكر اسرع واحسن عند الطفل وايضا الشخص البالغ ...

حرف الدال(دَ)

اكتبيها للطفل وارسمى فى الصفحه المجاوره دجاجه واطلبى منه تلوينها وارسمى بجوار الدجاجه حرف دال كبير واطلبى منه تلوينه

(كلمات) واشكر اصحابها لتعلمى منها الكثير

1ـ لاتصنف اولادك اذااعطيت الانسان عنوانا سيزول الانسان ويبقى العنوان .

2ـ الوالدان القارئان ابناهما قراء.
3ـ سامح وعلم اولادك التسامح .

4ـ عامل ابنك ككائن مستقل له ارآه واختياراته .

5ـ اللعب يعط الاطفال الحريه .

6ـ الاب الذى يصغى لطفله يشعره بأهميته وبيقيمة افكاره ومقترحاته وذلك يزيد ثقة الطفل ويجعله اكثر قدره على التعامل مع العالم والاحداث من حوله

تعلم القراءه الجزءالرابع

 احنا بنعطى الطفل الشرطه  (ــــــــ)فى الاول لانها بدايه لكل الحروف والارقام تقريبا

نكتب للطفل أ ونستمر فى اعطائه حرف الالف لمدة اسبوع

تعلم القراءه الجزء الثالث

فى الحساب

احضرى كراسه مربعات وقسمى الصفحه الى قسمين

اكتبى فى القسم الاول واحد
(1) وايضا فى القسم الثانى اكتبى واحد

استمرى فى اعطائه هذا التمرين لمدة اسبوعين (ملحوظه التعلم فى الاول بيكون بطيء حتى يندمج الطفل وليس مهم الخط وكل شى يكتبه قولى له جميل وانتى مبتسمه وقولى له بس تعالى نعمله كده وصححى له بدون ما تقولى له ده وحش حببيه فى التعليم)

تعلم القراءه الجزء الثانى

فى الاسبوع الثانى ارسمى للطفل الهمزه  (ء) لوحدها فى كل من قسمى الصفحه    اكتبى له الهمزه بالتدريج يعنى الاول شرطه مثل ــــ وبعدين شرطه اخرى فوقها مثل الواحد 1 ثم شرطه اخرى فوق  الواحد ــــ (ضرورى فى الاول وانت بتعلميه شبهى ليه اى حاجه بيكتبها بأشياء مثل الهمزه عمله زى العصفوره والالف زى المصاصه وهكذا
)

تعليم الاطفال القراءه مع اسطوانه ممتازه

احضرى كراسه تسع اسطر وقلم رصاص متوسط الحجم حتى يتمكن من مسكه


افتحى الكراسه وقسمى الصفحه بالطول من المنتصف , ارسمى له خط مستقيم صغير فى كل من قسمى الصفحه واطلبى منه تقليده


واستمرى فى اعطائه هذا الخط لمدة اسبوع

الجزء الثانى على هذا  الرابط

http://kgjody.blogspot.com/2010/07/blog-post_20.html

الجزء الثالث
http://kgjody.blogspot.com/2010/07/blog-post_5796.html

الجزء الرابع
http://kgjody.blogspot.com/2010/07/blog-post_5620.html
الجزء الخامس
http://kgjody.blogspot.com/2010/07/blog-post_23.html


وهذا رابط لاسطوانة ممتازه تعلم الطفل القراءه بسهوله اضغط للتحميل ولاتنسوا الدعاء لاصاحبها http://www.2shared.com/file/2625931/74cb369b/nourelbaian-alryssala.html 
وهذه صوره لكيفية التحميل

ثم فك الضغط بعد التحميل