و بعدين اغليه وشليه فى التلاجه عاااااااادى خالص
وكل ما تطلعى تشربى اللبن شيلى وش اللبن قبل ما تسخنيه تانى وكل ما تعملى لبن شيلى وشه هكذا وضعيه فى علبه صغيره وغطيه وضعيها فى الفريزر لغاية ما تحوشى كميه معقوله
مثلا نصف كيلو
وبعدين نسيبهم يسيحوا على مهلهم فى المطبخ لازم هما اللى يسيحوا لوحدهم من غير اى مؤثر لانار ولاحمام ماء
وبعد ما يسيحو نقلب بايدينا اتجاه اليمين
يعنى نفضل نقلب ونقلب حوالى 5 دقائق شويه شويه هتتقل معاكى وتبقى صعبه فى التقليب وكمان هتكون متماسكه بعد شويه هتلاحظى ان طلع منها لبن سايل نتيجة الضرب .. ده ترميه وبعد ماتخلصى ضرب ويقل اللبن السايل ده او يبنتهى ,,,
تاخدى السمنة اللى بقيت بعد الضرب وتسيحيها على النار الهادية بالظبط كأنك بتسيحى السمنة أو الزبدة
... وكمان هتلاقي (( مورتة )) بتكون مختلفة شوية بسيطة عن السمنة البلدى الاصلى
ليست هناك تعليقات:
إرسال تعليق